×

ადამიანს დაებლოკა PS4-ის ბიბლიოთეკა რასიზმისთვის

ადამიანს დაებლოკა PS4-ის ბიბლიოთეკა რასიზმისთვის

ცნობილია, რომ სონი და მაიკროსოფტი ძალიან მკაცრად ექცევიან მათ, ვინ შეურაცხყოფას აყენებს სხვებს ონლაინში და მითუმეტეს თუ ის ადამიანი იყენებს რასისტულ და ჰომოფობურ განცხადებებს. კომპანიის რეაქცია კი გამოიხატება ონლაინ სერვისების ვადიან ან უვადო დაბლოკვაში.

სწორედ ასეთი რამ დაემართა ფლეისთეიშენ 4-ის ერთ-ერთ მომხმარებელს, რომელიც იყენებდა ნ****-ს და მხარს უჭერდა რასიზმს ონლაინში ყოფნის დროს. მის დასასჯელად, სონიმ გამოიყენა ერთ კვირიანი ბანი, რის შემდეგაც, მომხმარებელმა მიწერა გაბრაზებული წერილი კომპანიას და კიდევ უფრო დაიმძიმა საქმე, რადგან ახლა მას ემუქრება სამუდამო ბანი.

საინტერესო ისაა, რომ აღნიშნულ მომხარებელს აქვს რამდენიმე თამაში შეძენილი ონლაინ მაღაზიაში, რაც ავტომატურად ინახება მომხმარებლის ანგარიშის ბიბლიოთეკაში. სონიმ არამარტო ონლაინში დაადო მას ბანი, არამედ შეუზღუდა წვდომა მთლიან ბიბლიოთეკაზე.

Playstation 4-ის დაბლოკილი ბიბლიოთეკა

ეს შეზღუდვა ვერ მოხდებოდა, მომხმარებელს რომ ქონოდა თამაშები ფიზიკური დისკების სახით, რაც ნიშნავს, რომ ის იჩაგრება და მის მიერ დახარჯული ფული დაკარგულია.

შეიძლება, კონკრეტულ შემთხვევაში, მიზეზი გასაგებია და რასიზმისთვის კარგი დასჯაც არის, მაგრამ ახლა უკვე ჩნდება შიში, რომ სონის ზედმეტად დიდი ძალაუფლება აქვს საკუთარი მომხმარებლების შენაძენზე. არ უნდა განსხვავდებოდეს მიდგომა ონლაინში შეძენილსა და ფიზიკურ დისკებს შორის.

ჯერ-ჯერობით, გამოსავალი მხოლოდ ერთია, უბრალოდ იყავით ზრდილობიანები ონლაინ თამაშის დროს და ნუ შეურაცხყოფთ ნურავის, თორემ შეიძლება, რომ თქვენი ბიბლიოთეკაც დაიბლოკოს.

დატოვეთ კომენტარი

Please Login to comment
  გამოიწერეთ  
შემატყობინე