×

ბიუჯეტური Nintendo Switch გამოვა ზაფხულში

ბიუჯეტური Nintendo Switch გამოვა ზაფხულში

ბევრმა წყარომ დაიწყო საუბარი იმაზე, რომ ნინტენდო, საკუთარი კონსოლის, სვიჩის ორ ახალ ვერსიაზე მუშაობს, ერთი უფრო ძლიერი, ხოლო მეორე უფრო ბიუჯეტური, მაგრამ არა აუცილებლად სუსტი.

ეს ჭორები გააძლიერა ბლუმბერგის რეპორტმაც, რომ ნინტენდოს ბიუჯეტური კონსოლი გამოვა 2019 წლის ივნისში. ეს ადასტურებს იაპონიიდან წამოსულ ჭორებსაც.

მაგრამ, რას უნდა გულისხმობდეს ბიუჯეტური ნინტენდო სვიჩი? არსებული კონსოლის ფუნქციაა, რომ ხელში ჭერის ნაცვლად, ადამიანმა შეძლოს მისი ტელევიზორთან დაკავშირება, კონტროლერების გაერთიანება და დიდ ეკრანზე, ხარისხის დაკარგვის გარეშე თამაში. ამასთან ერთად, კონსოლს მოყვება საკუთარი ეკრანის დასდგამიც.

როგორც ჩანს, ბიუჯეტურ კონსოლს არ ექნება ეს ფუნქციები და იმუშავებს, როგორც Nintendo 2DS, დასადგამისად და ტელევიზორთან შეერთების ფუნქციის გარეშე, მხოლოდ ხელში დაჭერის ფუნქცია. სხვა მხრივ კი კონსოლებს შორის არანაირი განსხვავება არ იქნება.

საინტერესოა, რას შემოგვთავაზებს ნინტენდო სვიჩის გაძლიერებული ვერსია. Nikkei-ს თანახმად, დიდი განსხვავება არ იქნება კონსოლის პერფორმანსებში, ამიტომ მნიშვნელოვანია იმის გარკვევა, თუ რაში უნდა ჭირდებოდეს ნინტენდოს ამის გაკეთება, რომელი ჯერ კიდევ უცნობი თამაშებისთვის.

დატოვეთ კომენტარი

Please Login to comment
  გამოიწერეთ  
შემატყობინე