×

ყველაფერი Google Stadia-ს შესახებ

ყველაფერი Google Stadia-ს შესახებ

როგორც იქნა, საძიებო სისტემის გიგანტმა, ბევრი რამ გაამჟღავნა გეიმინგ სტრიმინგ სერვისის შესახებ. როდის გამოდის, რამდენი ეღირება, რა თამაშები შევა და რა დაგვჭირდება.

გუგლმაც გადაწყვიტა, რომ შევიდეს გეიმინგ ინდუსტრიის ბაზარზე, ამისთვის კი არჩია გზა, რომლითაც კონსოლების სრული განადგურების სურვილი აქვს და ცოტა ხნის წინ, სონის და მაიკროსოფტს თანამშრომლობის დაწყებაც კი მოუწიათ ომის სამზადისებისთვის.

Google Stadia-ს პრინციპი მარტივია, გადაიხადეთ ყოველთვიურად კონკრეტული თანხა, ნებისმიერ დროს აირჩიეთ რა თამაშიც გსურთ, მოიმარჯვეთ სტადიას სპეციალური კონტროლერი და ითამაშეთ მაღალი ხარისხით, სუსტ კომპიუტერზეც. ანუ, Netflix, რომ არსებობდეს თამაშებისთვის. მთავარია, რომ გქონდეთ კარგი ინტერნეტი სტრიმინგისთვის, დანარჩენს გუგლიც მიხედავს.

სტადიის გამოსვლის ზუსტი თარიღი უცნობია, მაგრამ გუგლის განცხადებით, პლატფორმა ხელმისაწვდომი გახდება 2019 წლის ნოემბერში. თუ გსურთ სტადიის გამოყენება, მაშინ უნდა შეიძინოთ Google Stadia Founder’s Edition – 129$, სადაც შედის ახალი კონტროლერი, ქრომქასტი (ტელევიზორთან დასაკავშირებლად) და სტადიას სერვისის 3 თვიანი გამოწერა.

3 თვის შემდეგ, სტადია Pro-ს ფასი იქნება 9.99$ ყოველთვიურად და ხელმისაწვდომი იქნება სერვისში მყოფი ყველა უფასო თამაში 4K/60FPS/HDR ფუნქციებით. სტადიის მეშვეობით, ასევე შეგეძლებათ თამაშების ყიდვა და მისი სამუდამოდ დატოვება.

საინტერესოა, რომ 2020 წელს გამოვა სტადია Base სერვისი, რომელიც სრულიად უფასოდ იქნება ხელმისაწვდომი ყველასთვის. ამ ვერსიაში, არ იქნება უფასო თამაშებზე წვდომა და მომხმარებლებს მხოლოდ ყიდვა შეეძლებათ. ამასთან ერთად, მოთამაშეები მიიღებენ მხოლოდ 1080p/60fps. რეალურად, რომ ვთქვათ, უფასო ვერსიისთვის ესეც ძალიან კარგია, ამიტომ უნდა ვიეჭვოთ, რომ სახეზე გვექნება დროის შეზღუდვა ან რეკლამები.

ინტერნეტის სიჩქარის გრაფი

რაც შეეხება თქვენს ტექნოლოგიას. რადგან სტადია არის სტრიმინგ სერვისი, ნებისმიერი კარტოფილი, რომელიც უძლებს გუგლ ქრომს, საშუალებას მოგცემთ, რომ ითამაშოთ თამაშები უმაღლეს ხარისხში. აქ მთავარია ინტერნეტის სიმძლავრე. გუგლის თანახმად, მინიმუმ 10mbps არის საჭირო, რომ დაბალ ხარისხზე მაინც შეძლოთ თამაში, ხოლო მინიმუმ 35mbps არის საჭიროა 4K/60FPS-თვის.

სტადიას კონტროლერი არ არის სავალდებულო ატრიბუტი, მაგრამ გუგლი აცხადებს, რომ ის არის საუკეთესო ვარიანტი სტრიმინგ სერვისის გამოყენების დროს. თუმცა, შესაძლებელია იქსბოქსის ან სხვა კონტროლერების გამოყენება, თუ ის უკვე იმყოფება თქვენს არსენალში.

Google Stadia-ს სპეციალური კონტროლერები

თავდაპირველად, ხელმისაწვდომი იქნება თამაშების მცირე სია, მაგრამ გუგლმა უკვე 20-მდე გამომცემელთან და დეველოპერთან გააფორმა ხელშეკრულება, ამიტომ, ჯერ კიდევ ნოემბრამდე, დიდი ალბათობით. ბევრ სასიხარულო დამატებას ვიხილავთ:

Google Stadia ძალიან ამბიციური პროექტია, მაგრამ აშკარაა, რომ მან უკვე ძალიან დააფრთხო სონიც და მაიკროსოფტიც. მის საპასუხოდ, ორმა გიგანტმა გეიმინგ კომპანიამ, ძალების გაერთიანება და მაიკროსოფტის “ღუბლის” სერვისის, აზურეს გამოყენებაზე გააფორმა ხელშეკრულება. ჯერ-ჯერობით, ამის ბევრი დეტალი უცნობია. საინტერესოა გააქრობს თუ არა ეს ყველაფერი კონსოლების აუცილებლობას.

დატოვეთ კომენტარი

Please Login to comment
  გამოიწერეთ  
შემატყობინე