×

შემდეგი თაობის Xbox იქნება სონის კონსოლზე ძლიერი

შემდეგი თაობის Xbox იქნება სონის კონსოლზე ძლიერი

ცოტა ხნის წინ სონიმ ოფიციალურად დაადასტურა ახალი თაობის კონსოლზე მუშაობა და მოკლედ ისაუბრა მის მონაცემებზე. ახალი წყაროების მიხედვით, როგორც ჩანს მაიკროსოფტს საერთოდ არ აშინებს ფლეისთეიშენის საოცარი შესაძლებლობები.

უკვე ცნობილია, რომ მაიკროსოფტიც მუშაობს ახალი თაობის კონსოლზე, არა ერთზე, არამედ ორზე, აქედან ერთ-ერთი კი იქნება ბიუჯეტური კონსოლი, უფრო ნაკლები შესაძლებლობებით. ამიტომ, დღეს ვსაუბრობთ პროექტ ანაკონდაზე, იქსბოქსის ახალ, მძლავრ ვერსიაზე.

სონიმ საკმაოდ თამამი განცხადებები გააკეთა Playstation 5-ის შესახებ, რომლის ნახვაც შეგიძლიათ ამ სტატიაში. მაგრამ, თუ დავუჯერებთ ონლაინ ჟურნალისტს, ენსლი ბოუდენს, იქსბოქსის დეველოპმენტის შიგნით მომუშავე წყაროები ირწმუნებიან, რომ მაიკროსოფტის კონსოლი საგრძნობლად უფრო მძლავრი იქნება, ვიდრე სონის მომავალი თაობა. მაიკროსოფტის მთავარი მიზანია, რომ ტრადიციულად, უკეთესი მონაცემების მოწყობილობა გამოუშვას, როგორც გააკეთა Xbox 360-სა და Xbox One-ზეც. ჟურნალისტის თანახმად, მაიკროსოფტმა ამ მიზანს მიაღწია.

Xbox One-მა აჯობა მონაცემებით Playstation 4-ს, მაგრამ, სხვა ყველანაირი ომი წააგო მასთან, 2012 წლის შემდეგ, მხოლოდ ორ თვეში აჯობა გაყიდვებით და საერთო ჯამში, ძალიან დამარცხდა. ამიტომ, კონსოლის სიმძლავრით მაინც არ წყდება ყველაფერი, მთავარი არის ის თამაშები, რომლებიც გამოვა ამ კონსოლებზე, ამით კი სონი ძალიან მაღლა დგას.

სხვადასხვა წყაროების თანახმად, მაიკროსოფტი ახალ კონსოლს დააანონსებს 2019 წლის E3-ზე. სწორედ ეს წყაროები საუბრობდნენ Xbox-ის უდისკო ვერსიაზე, რაც საბოლოოდ სიმართლე გამოდგა.

დატოვეთ კომენტარი

Please Login to comment
  გამოიწერეთ  
შემატყობინე