God of War – ტროლთან ბრძოლის გეიმფლეი და კომენტარები სამყაროზე

ახალი კომბატ სისტემა და უნიკალური სამყარო, რომლის შესანიშნაობაც დეტალებამდეა დაყვანილი. PS Underground გვთავაზობს ახალ გეიმფლეი ვიდეოს.

სონის სანტა მონიკას სტუდიამ თამაშზე მუშაობა დაასრულა სულ ცოტა ხნის წინ და მხოლოდ 17 დღეა დარჩენილი მის ოფიციალურ გამოსვლამდე. მანამდე კი, ცოტა რომ დაგვაშოშმინონ და მოთხოვნილება დაგვიკმაყოფილონ, კომპანიამ გამოუშვა 5 წუთიანი გეიმფლეი ვიდეო თავისი კომენტარებით, სადაც ნაჩვენებია ახალი კომბატ სისტემა გაბრაზებულ ტროლთან და ასევე, სამყაროს პატარა დეტალები, რომელშიც იკვეთება God of War-ის იდეალურობა.

ახალი თამაში აღარ ეხება ბერძნულ მითოლოგიას და კრატოსი, შვილთან ერთად, გადაყავს ნორდულ მითოლოგიაში, სკანდინავიაში, სადაც კრატოსის მისია, ჯერ-ჯერობით, უცნობია ჩვენთვის.

ვიდეოდან ჩანს, თუ რამდენად ლამაზ სამყაროს უნდა ელოდოთ “ომის ღმერთისგან” და თუ როგორი შეცვლილია კომბატ სისტემა. კრატოსი იბრძვის ახალი იარაღით, ლევიათანის ნაჯახით. დეველოპერებმა განცახადეს, რომ მათ აღარ სრუდათ ხმლის გამოყენება.

God of War გამოვა 20 აპრილს, ექსკლუზიურად Playstation-ისთვის და მისი ფასი იქნება 60$.

მოგწონთ სტატია?

7 0

დატოვეთ კომენტარი

Please Login to comment
  გამოიწერეთ  
შემატყობინე