God of War-ის გამოსვლის ზუსტი თარიღი და შინაარსობრივი ტრეილერი

დიდ ხნიანი დუმილის შემდეგ, სონიმ საბოლოოდ დაადასტურა God of War-ის გამოსვლის ზუსტი თარიღი და ასევე გაგვახარა შინაარსობრივი ტრეილერით, სადაც ბევრი რამ ხდება ნათელი.

God of War დღის სინათლეს იხილავს 2018 წლის 20 აპრილს ექსკლუზიურად სონის Playstation 4 პლატფორმაზე. ახალმა ტრეილერმა კი ბევრ საიდუმლოს ახადა ფარდა. კრატოსი მალავს საკუთარ ვინაობას, მისმა შვილმაც კი არ იცის, რომ მამამისი ღმერთია. კრატოსი თითქოს სხვა სამყაროდან გადმოვიდა ახალ მითოლოგიაში, სადაც სიცოცხლის თავიდან დაწყება სურდა, ცოლითა და შვილით.

კრატოსს არ უნდა, რომ საკუთარი წარსულის შესახებ გაიგონ, მაგრამ ნელ-ნელა ხვდება, რომ სხვა გზა აღარ რჩება. მისი შვილი არ არის უბრალოდ ადამიანი, ის ნახევარ ღმერთია და ის ისტორიის მხოლოდ დასაწყისია.

ახალ ტრეილერთან და გამოსვლის თარიღთან ერთად ცნობილი გახდა, რომ იქნება რამდენიმე სპეციალური გამოშვება, საკუთარი უნიკალური ბონუსებით. თუ არ დაგენანებათ და გადაიხდით 130$-ს, მაშინ თამაშთან ერთად მიიღებთ 22 სანტიმეტრიდან ქანდაკებას და ბევრ პატარა საჩუქარს.

მოგწონთ სტატია?

9 1

დატოვეთ კომენტარი

Please Login to comment
  გამოიწერეთ  
შემატყობინე