/ /

Playstation თანახმაა ქროს-ფლეიზე, პირველი თამაში არის Fortnite

Playstation-მა საბოლოოდ დათმო და სხვა კონსოლებთან გახსნა ქროს-ფლეის შესაძლებლობა.

ჯერ კიდევ ზაფხულში, როდესაც ნინტენდომ დააანონსა Fortnite საკუთარი კონსოლისთვის, ხალხმა აღმოაჩინა, რომ არ შეეძლოთ თამაშის ანგარიშების დასინქრონირება ფლეისთეიშენიდან სვითჩზე, მაგრამ ეს შესაძლებელი იყო იქსბოქსისა და პერსონალური კომპიუტერების მომხმარებლებისთვის. ასევე შეუძლებელი იყო ფლეისთეიშენის გეიმერებთან თამაში, სხვა პლატფორმები კი გახსნილი იყო. მაგრამ, ამაზე მეტად, ფანები გააღიზიანა სონის დამოკიდებულებამ, რომ მათი კონსოლი იყო საუკეთესო და საერთოდ არ თვლიდნენ საჭიროდ ქროს-ფლეის ჩართვას და საკუთარი სისტემის გახსნას სხვა კომპანიებისთვის. 

ამასთან ერთად, ზაფხულამდე, მაიკროსოფტი და შესაბამისად იქსბოქსი, მუდმივ ზეწოლას ახდენდნენ სონიზე, რომ ჩაერთოთ ქროს-ფლეი, რადგან ხალხს უნდოდა ონლაინ თამაშების ერთმანეთთან თამაში და სონი გეიმერების საწინააღმდეგოდ იქცეოდა. სონი კი, ამ ყველაფრის მიუხედავად, მედგრად იდგა და ხმამაღლა ამბობდა, რომ ანგარიშების სინქრონირებისა და სხვა კონსოლების მფლობელებთან თამაშის შეუძლებლობით, მათ მომხმარებლებს არაფერი არ დააკლდებოდათ, რადგან სწორედ ფლეისთეიშენზე უნდა ითამაშოს ხალხმა. 

ამდენ ხნიანი ცივი ომის შემდეგ, სონი საბოლოოდ გატყდა. რამდენიმე დღის წინ სონიმ ოფიციალურად განაცხადა, რომ მათ მოუსმინეს საკუთარ ფანებს და ნელ-ნელა სხვადასხვა კომპანიებთან შეთანხმებით, ისინი გახსნიან საკუთარ სერვერებს და დროთა მანძილზე ყველა პლატფორმის მომხმარებელი (ანდროიდიც და iOS-იც) ერთად და ერთმანეთში შეძლებს თამაშს. ხოლო პირველი თამაში, რომელსაც ექნება ამის მხარდაჭერა, არის Fortnite. 

რამ გამოიწვია ეს ყველაფერი? ამის მთავარი პასუხი არის Fortnite. ეპიკ გეიმსმა შეძლო, რომ შეექმა ისეთი თამაში, რომელიც გახდა მასიური და მოიცვა მთელი მსოფლიო. ფორნაიტმა, გადაასწრო ჟანრის ლეგენდას PUBG-ის ნახვებშიც, გაყიდვებში, ყოველდღიურ სტრიმებში და ა.შ.. შესაბამისად, ფორტნაიტი იქცა ძალიან სერიოზულად ძალად, რომელსაც შესწევს იმის უნარი, რომ დააბულინგოს მეგა კომპანიები და გააკეთებინოს ის, რაც თამაშს ჭირდება. და რადგან სონი მარტო ერთ თამაშზე ვერ გახსნიდა ქროს-ფლეის, ამიტომ გადაწყდა, რომ მთლიანად შეცვალოს თავისი დამოკიდებულება ამ საკითხისადმი. 

სონის გადაწყვეტილებას იქსბოქსიც გამოეხმაურა და მიულოცა გადადგმული ნაბიჯი: 

 

Fortnite მხოლოდ დასაწყისია, მომდევნო თვეების მანძილზე, ალბათ კიდევ ბევრ პოპულარულ თამაშს ვიხილავთ ქროს-ფლეიში, მაგალითად Call of Duty და/ან Battlefield სერიები და პოპულარული Rocket League.

მოგწონთ სტატია?

11 1

დატოვეთ კომენტარი

Please Login to comment
  გამოიწერეთ  
შემატყობინე