/ /

PUBG-მ დააანონსა პირველი გრანდიოზული ტურნირი

ოფოციალური გამოსვლიდან ერთი წლის შემდეგ, PlayerUnknown’s Battlegrounds-მა უკვე დაიწყო მუშაობა გრანდიოზულ შეჯიბრზე.

როგორც ჩანს, თამაშის დირექტორი, ბრენდან გრინი, არ ხუმრობდა, როდესაც თქვა, რომ თამაში ძალიან მალე გახდებოდა eSport-ის ერთ-ერთი მთავარი შემადგენელი ნაწილი. ამ განცხადებიდან ერთ თვეში კი დაანონსდა  PUBG Global Invitational 2018 – პირველი გრანდიოზული ტურნირი PUBG-ში.

ტურნირი გაიმართება წელს, ზაფხულში, ბერლინში და რაც მთავარია, მისი საპრიზო ფონდი იქნება 2 მილიონი დოლარი. კომპანიამ შარშანაც ჩაატარა პატარა ტურნირი PUBG-სთვის, მაგრამ იმ დროს, ჯერ ბეტადანაც არ იყო გამოსული და საპრიზო ფონდი შეადგენდა მხოლოდ 350 000$-ს. ბეტადან გამოსვლის შემდეგ კი პირველი ტურნიში 2 მილიონი დოლარი ძალიან დიდი თანხაა eSport-ის სტანდარტებისთვის (ამ შემთხვევაში არ უნდა ჩავთვალოთ DOTA 2-ის ჩემპიონატები).

შესარჩევები გაიმართება ივლისის დასაწყისში ჩრდილოეთ ამერიკაში, ევროპასა და აზიაში. მონაწილე გუნდები უნდა შედგებოდნენ 4 ადამიანისგან. ჩემპიონატში მონაწილეობას მიიღებს 20-მდე გუნდი და საინტერესო ისაა, რომ იქნება ორი გამარჯვებული: ერთი, როგორც პირველი პირის პერსპექტივით, ხოლო მეორე, როგორც მესამე პირის პერსპექტივით. ტურნირი გაიმართება ბერლინში, 25-29 ივლისს.

ჯერ-ჯერობით, სამწუხარო რეალობა ისაა, რომ PlayerUnknown’s Battlegrounds ძალიან ბევრი პრობლემა აქვს, რომელიც უნდა გამოასწორონ ტურნირის დაწყებამდე, თორემ ძალიან ცუდი შედეგით დასრულდება PUBG Global Invitational 2018. როგორც ბრენდანმა განაცხადა, ივლისი ფაქტობრივად დეველოპერების დედლაინია, რომ მაქსიმალურად აღმოფხვრან ყველანაირი ბაგი და დახვეწონ თამაში.

მოგწონთ სტატია?

13 0

დატოვეთ კომენტარი

Please Login to comment
  გამოიწერეთ  
შემატყობინე